Ты зможаш паглыбіць свае веды, калі прааналізуеш карэкцыйную картку і правільна выканаеш заданне.
Нумар правільнага адказу пазнач у каментарыях.
| Заданне | Варыянты адказу | Ход разважання | Адказ |
| 1.
Вызначце, якой схеме адпавядае пастаноўка знакаў прыпынку ў сказе з простай
мовай. Бярыце прыклад з лепшага, а не з горшага… заўсёды раіў наш настаўнік беларускай мовы і літаратуры Міхась Пятровіч…(Л,л)епшага ў нашай краіне дастаткова… | 1)“П. – а: - п”. 2) “П, - а. – П”. 3) “П, - а, - П!” 4) “П? – а. – п”. | Каб беспамылкова выканаць заданне, неабходна знайсці чужое выказванне і словы аўтара, а ў іх – дзеяслоў-выказнік або дзеясловы-выказнікі, пры дапамозе якіх уводзіцца простая мова. У канкрэтным выпадку гэта адзін дзеяслоў-выказнік раіў. Ён падказвае, што пасля слоў аўтара не ставіцца двукроп’е (1) і што першы сказ не пытальны (4). Няма падстаў і для таго, каб другая частка простай мовы ўспрымалася як клічны сказ (3). Значыць, знакі ставяцца наступным чынам: “Бярыце прыклад з лепшага, а не з горшага, - заўсёды раіў наш настаўнік беларускай мовы і літаратуры Міхась Пятровіч. – Лепшага ў нашай краіне дастаткова”. |
Прачытай тэкст.
(1) З даўніх часоў пра чалавека-працаўніка кажуць: "Працавіты, як пчала". (2) І сапраўды, гэтыя малюсенькія стварэнні працуюць надзіва многа. (3) Толькі і чуваць над квеценню саду ці над грэчневым полем бесперапынны гуд: пчолы збіраюць мёд.
1. Пазнач нумар сказа, каб атрымалася правільнае сцвярджэнне.
У тэксце пад №___ - сказ з простай мовай.
2. Адзнач правільны варыянт адказу.
У сказе з простай мовай знакі прыпынку пастаўлены...
а) правільна;
б) няправільна.
Адказ запішы ў каментарыях.
Прачытай тэкст.
(1) Лес, як і чалавек, бываў сумны і радасны, гнеўны і добры. (2) Настрой лесу мяняўся з кожным днём і з кожнай гадзінай. (3) Тая самая хваіна вечарам была зусім не такая, як раніцай. (4) Яна станавілася сур'ёзная і нібы гаварыла: "Ідзіце дадому і не перашкаджайце мне думаць. Прыйдзеце заўтра".
1. Пазнач нумар сказа, каб атрымалася правільнае сцвярджэнне.
У тэксце пад №___ - сказ з простай мовай.
2. Адзнач правільны варыянт адказу.
У сказе з простай мовай знакі прыпынку пастаўлены...
а) няправільна;
б) правільна.
Адказ запішы ў каментарыях.
Запоўні па памяці "павук-карту" схемамі сказаў з простай мовай.
Exit EN In process Examination / HW Знакі прыпынку ў сказах з простай мовай Правер свае веды па тэме 1 Выканай заданні 2 3 4 5 6 7 8 9 10