"Дзікае паляванне караля Стаха"
Сёння на занятках нам неабходна будзе пазнаёміцца з асобай Уладзіміра Караткевіча і яго творам “Дзікае паляванне караля Стаха”.
Паглядзіце відэафільм пра пісьменніка.
Запоўніце прапанаваную табліцу.
Выканайце інтэрактыўныя практыкаванні.
Да канца заняткаў ты будзеш
ведаць асноўныя звесткі пра асобу пісьменніка, сюжэт гістарычна-прыгодніцкай аповесці “Дзікае паляванне караля Стаха”.
умець карыстацца фактамі тэксту, працаваць з рознымі крыніцамі інфрмацыіЧас стагоддзі, як касой, сцінае,
Веры, царствы, догмы йдуць да ценяў…
Ўсё мінае – Гонар не мінае,
Бо народжаны адным сумленнем.
Калі сонца выб’ецца з туману,
Толькі іх і ўспомніць хор народаў,Воінаў сваіх, святых і зраненых,
Рыцараў сумлення і свабоды.
Гэтыя словы, адрасаваныя В. Быкаву, добра выявілі таксама сутнасць самога У. Караткевіча, які і ў жыцці, і ў літаратуры быў рыцарам сумлення і свабоды, рыцарам роднай Беларусі.
Якім жа быў ён, Рыцар сумлення і свабоды?
Якім жа быў ён, Рыцар сумлення і свабоды?
Паглядзі відэафільм, запоўні прапанаваную ніжэй табліцу. Заданне выканай у сшытку.
Адкажы на пытанні. Упішы адказы ў табліцу.
| 1. Выкраслі лішняе: | паэт, празаік, драматург, кінасцэнарыст, рэжысёр, публіцыст, перакладчык. |
| 2. Горад, у якім нарадзіўся У. Караткевіч… | |
| 3. Занятак бацькоў | Бацька Маці |
| 4. У якім узросце будучы паэт пачынае складаць вершы? | |
| 5. У якім горадзе застала хлопца Вялікая Айчынная вайна? | |
| 6. Якую ВНУ закончыў Уладзімір Караткевіч? | |
| 7. Якая падзея з гісторыі Беларусі зацікавіла У. Караткевіча? Чаму? | |
| 8. Кім працаваў У. Караткевіч пасля заканчэння ўніверсітэта? | |
| 9. У якім годзе адбыўся літаратурны дэбют пісьменніка ў друку? | |
| 10. Якая тэма займала значнае месца ў творчасці пісьменніка? |
Дэтэктыўная аповесць «Дзікае паляванне караля Стаха» ўпершыню пабачыла свет у 1964 г. на старонках часопіса «Маладосць». Напісана ж яна была значна раней, яшчэ да вучобы У. Караткевіча ў Маскве. Як неабыякавы да лёсу свайго народа чалавек, У. Караткевіч балюча перажываў непапулярнасць беларускай літаратуры. Трэба было зацікавіць чытача «мясцовымі» творамі. Зразумела, што дэтэктыўны жанр — удалы варыянт дзеля рашэння гэтай задачы. Як зазначыў у свой час класік англійскага дэтэктыва Д. Чэстэрсан, «калі дэтэктывы чытаюць часцей, чым даведнікі, значыць, яны цікавей».
Напішы ў каментарыях, што такое дэтэктыў.
Запішы ў рабочы сшытак імёны персанажаў аповесці.
У крытычнай літаратуры існуе вялікая колькасць тлумачэнняў для вызначэння паняцця дэтэктыўнага жанру. Але ўсе варыянты яднае асноўная жанраўтваральная адметнасць дэтэктыва — наяўнасць таямніцы або загадкі. Тут важна адзначыць, што пад загадкай не абавязкова разумеецца злачынства, тым больш забойства, і што наяўнасць злачынства зусім не адметнасць дэтэктыва.
Разгледзь прапанаваныя ніжэй ілюстрацыі да мастацкага фільма "Дзікае паляванне караля Стаха". Сцісла раскажы пра таямніцы аповесці.
Адказ запішы ў рабочым сшытку.