БЕЛАРУСКАЯ МОВА 9 КЛАС.
Абагульненне і сітэматызацыя вывучанага па раздзеле "Складаны сказ". Матэрыял для падрыхтоўкі да выніковай кантрольнай тэставай работы.
Пазнаёмцеся з прапанаванымі матэрыяламі.
Выканайце пісьмовыя і інтэрактыўныя заданні.
Выканайце тэст анлайн.
Прааналізуй табліцу.
Выпішы нумары складаных сказаў з рознымі відамі сувязі частак, у якіх спалучаюцца бяззлучнікавая і падпарадкавальныя віды сувязі.
Адказы пазнач у каментарыях.
1) Пасля дажджу ў бульбоўніку, між барознамі, ядранай жаўцізною свяцілі яблыкі; іх было шмат, і ўсе паточаныя чарвякамі.
2) Дарога пачала паніжацца, і сыпкі пясок яе змяніўся мяккім, падатным забалочаным грунтам, на якім вырэзваліся дзве чорныя вільготныя каляіны.
3) Шпакі аж захліпаліся ад спеваў, здавалася, што радасць распірае іхнія пявучыя сэрцы.
4) Адцвіў язмін, на месцы былых ярка-белых пялёсткаў засталіся светла-жоўтыя чатырохканцовыя зорачкі, якія таксама між зялёнага прыплюшчанага лісця выглядаюць кветкамі.
Выпішы нумары складаных сказаў з рознымі відамі сувязі частак, у якіх спалучаюцца бяззлучнікавая і злучальныя віды сувязі.
Адказы пазнач у каментарыях.
1) Цішыня стаяла напружаная, нібы людзі чакалі чагосьці незвычайнага, і яе нішто не парушала.
2) Прыйшла вясна, растаяў снег, павеяла цяплом, і зноў пачало абуджацца жыццё.
3) Бялеюць хаты ў ціхіх вёсках, сады мяцеляцца наўкол, і ціха падаюць пялёсткі, нібы гусіны пух, на дол.
4) Адкрываліся гароды ў стракатай зелені; поплаў, які здаваўся недасягальна далёкім, раптам наблізіўся...
Выканай інтэрактыўныя практыкаванні, правер свае веды па тэме.
Адзнач складаны сказ з рознымі відамі сувязі частак, паміж часткамі якога знакі прыпынку пастаўлены правільна.
Адказ пазнач у каментарыях.
1) Сяргееў ужо спаў, і калі вартавы разбудзіў яго, той засвяціў ліхтарыкам і пазваў свайго старога сябра.
2) Кроп, які сёння для нас усяго толькі прыправа, раней шанаваўся як кветка: букеты з кропу дзяўчаты дарылі сваім выбраннікам, прызнаючыся такім чынам у каханні.
3) Люблю зіму, вясну і восень, а лета ўсё ж агодіць болей, калі трава сцяжынкі росіць, і бегчы ўдале так прывольна.
Адзнач складаны сказ з рознымі відамі сувязі частак, паміж часткамі якога знакі прыпынку пастаўлены правільна.
Адказ пазнач у каментарыях.
1) Цешыла вока атава ў лагчынах - але і яе колер мала нагадваў колеры вясны: ніводнай краскі, адна цёмная, як зацвілая вада балота, зялёнасць.
2) Па небе наперагонкі беглі шэрыя хмары, збіраліся ў гурт, і калі рабілася холадна, вецер праймаў да касцей.
3) Хату Махаўца ў лесе Лявон ведаў добра, але, калі прыехалі, гаспадара не было дома.