ЛЕКСІКА 5 клас
Дзякуй Ступчык Н. Ф. за відэаўрокі да курса "Лексіка" для 5 класа
https://presentdaymova.wordpress.com
l23i06g@gmail.com
ПРАМОЕ І ПЕРАНОСНАЕ ЗНАЧЭННЕ СЛОВА
Сёння на ўроку мы даведаемся, што такое прамое і пераноснае значэнне слова, як іх адрозніваць і шукаць у тлумачальным слоўніку.
Да канца ўрока ты будзеш: ведаць, што такое прамое і пераноснае значэнне слова і як іх адрозніваць; умець працаваць з відэаматэрыялам, складаць словазлучэнні і сказы са словамі ў прамым і пераносным значэнні.
Ты будзеш сёння паспяховым на ўроку, калі зможаш адказаць на тэставыя пытанні ў канцы ўрока.
Адкажы на пытанні
Якое значэнне слова называецца прамым?
Што такое пераноснае значэнне слова?
Ці можа адназначнае слова мець пераноснае значэнне? Чаму?
Пры неабходнасці звярніся да матэрыялу § 24 (старонка 89).
Адказы на пытанні размясці ў каментарыях.
На аснове прачытанага тэарэтычнага матэрыялу падручніка запоўні табліцу.
Значэнне слова | ||
Прамое | ? | |
| Фармулёўка | ? | Узнікае на аснове падабенства |
| Прыклады словазлучэнняў ці сказаў | … | … |
Выпішы ў рабочы сшытак словазлучэнні, у якіх адно са слоў ужыта ў пераносным значэнні. Падкрэслі словы, ужытыя ў пераносным значэнні. | |
|---|---|
| залаты характар | шышка на лбе |
| сасновая шышка | залаты пярсцёнак |
| мяккі хлеб | мяккі голас |
Выканай у рабочым сшытку практыкаванне 184. Выпішы толькі словазлучэнні са словамі ў пераносным значэнні.
