ЛЕКСІКА 5 клас
Дзякуй Ступчык Н. Ф. за відэаўрокі да курса "Лексіка" для 5 класа
https://presentdaymova.wordpress.com
l23i06g@gmail.com
АНТОНІМЫ
Сёння на ўроку мы даведаемся, што такое антонімы, навучымся падбіраць антонімы да слоў, шукаць іх у тэкстах, складаць з імі словазлучэнні і сказы.
Да канца ўрока ты будзеш:
ведаць, што такое антонімы і для чаго яны патрэбныя,
умець падбіраць антонімы, знаходзіць іх у тэксце, складаць з антонімамі
словазлучэнні і сказы. Ты будзеш сёння паспяховым на ўроку, калі зможаш выканаць выніковае заданне.
Пасля прагляду адкажы на пытанні:
Што такое антонімы?
Як утвараюцца антанімічныя пары?
Ці могуць антонімы адносіцца да розных часцін мовы?
Ці можа мнагазначнае слова мець некалькі антонімаў? Чаму?
Пры неабходнасці звярніся да матэрыялу § 26 (старонка 95).
Адказы запішы ў каментарыях.
Прачытай верш-загадку.
Адна - прыроду ажыўляе,
У квецень дрэвы апранаеІ з поўдня цёплага дамоўВяртае ластавак, буслоў...Другая - ураджай збіраеІ хутка дрэвы распранае.Крылатых рупных жыхароўНа поўдзень адсылае зноў.
Адказ-адгадку запішы ў каментарыях.
Выпішы пары слоў-антонімаў.
светлы - яркі
светлы - цёмны
упасці - зваліцца
хутка - павольна
цвёрды - мяккі
Адказ запішы ў каментарыях.
Выканай практыкаванне 198 падручніка. Спішы другі абзац тэксту, раскрываючы дужкі і ўстаўляючы прапушчаныя літары. Падкрэслі дзеясловы-антонімы.
Заданне выканай у рабочым сшытку.
Назвы твораў зашыфраваны пры дапамозе антонімаў. Аднаві іх.
“Дурны сын”, “Месяц маўчыць”, “У новых бярозах”, “Сярэбраная рыба”, “Знаходка”, “Чужына”, “Здаровая маці”, “Падгледзенае апавяданне”, “Рамонкі”.
Адказы запішы ў каментарыях.
