ЛЕКСІКА 5 клас
Дзякуй Ступчык Н. Ф. за відэаўрокі да курса "Лексіка" для 5 класа
https://presentdaymova.wordpress.com
l23i06g@gmail.com
СІНОНІМЫ
Сёння на ўроку мы даведаемся, як пазбягаць неапраўданага паўтору слоў, што такое сінонімы і сінанімічны рад.
Да канца ўрока ты будзеш:
ведаць, што такое што такое сінонімы і сінанімічны рад;
умець выпраўляць памылкі пры паўторы аднолькавых слоў у сказах і тэкстах, складаць сінанімічныя рады, вызначаць адценні сінонімаў, ужываць сінонімы ў сваім маўленні
Ты будзеш сёння паспяховым на ўроку, калі зможаш выканаць выніковае заданне.
Адкажы на пытанні:
Што агульнага ў словах-сінонімах?
Чым адрозніваюцца словы-сінонімы?
Для чаго ўжваюцца ў мове словы-сінонімы?
Пры неабходнасці звярніся да матэрыялу § 25 (старонка 91).
Адказы на пытанні размясці ў каментарыях.
Прачытай верш А. Пысіна. Якімі словамі аўтар перадае думку "ідзе дождж"?
Запішы гэтыя сінонімы ў каментарыях.
Якія бываюць дажджы
З неба льецца дождж зялёны -
Зелянеюць вербы, клёны.
Ходзіць дожджык залаты -
Спеюць жоўтыя жыты.
Шэры дожджык сыпле, сыпле -
Ні лісточка ўжо на лмпе.
Бела ўсё, дажджоў няма -
Гэта к нам прыйшла зіма.
Да слоў з першай групы падбяры сінонімы з другой. Запішы іх парамі.
Заданне выканай у рабочым сшытку.
| Турбавацца, здольнасць, узвышша, велікан, радасць, выдатны, светлы, настойлівы, дрэнны, холадна, шпарка, хараство. | Талент, прыгажосць, ясны, клапаціцца, сцюдзёна, кепскі, горка, весялосць, цудоўны, упарты, хутка, гігант. |
Прачытай сказы. З прапанаваных сінонімаў выберы слова, якое больш адпавядае сэнсу выказвання.
Запішы сказы ў рабочы сшытак.
(Змрочны, сумны)
Хлопчыка апанаваў ____________________________настрой.
Абапал дарогі ціснуўся ____________________________лес.
(Аздобіць, прыбраць, упрыгожыць)
Сцены вырашылі ______________________ мазайкай.
Трэба яшчэ сёння ____________________ ялінку, каб Новы год адчуваўся мацней. А пасля можна і дзяцей _______ .
